नेपाली कांग्रेसका नेता सुनिल शर्माले १५ औं महाधिवेशनमा आफू शेखर कोइराला पक्षबाट सहमहामन्त्री उठ्ने तर नदिएका खण्डमा अर्कै प्यानल खडा गरी महामन्त्री वा उपसभापतिमा उम्मेदवारी दिने बताएका छन्।
उनले अहिलेसम्म आफू शेखर कोइराला समूहको मानिस रहेको पनि बताए।
‘म अहिलेसम्म शेखर कोइराला समूहको मानिस हो, लजाउने कुरा पनि भएन। सहमहामन्त्री दिनुस् भनेर आग्रह गर्छु,’ शर्माले भने, ‘उहाँहरूले दिनुभएन भने नयाँ ढंगको सोच हुन्छ, महामन्त्रीमा मेरो उम्मेदवारी रहन्छ वा उपसभापतिमा जान्छ। यसपालि सभापतिमा उम्मेदवारी दिन्न।’
उनले लामो समयदेखि पार्टीमा काम गरेकालाई सभापतिमा समर्थन गर्ने बताए।
‘चन्द्र भण्डारीजस्ता मानिसलाई सभापतिमा खडा गरेर भए पनि हामी नयाँ प्यानल घोषणा गरेर जान्छौं,’ उनले भने।
कांग्रेसको १५ औं महाधिवेशन पुस २६ देखि २८ गतेसम्म काठमाडौंमा हुनेछ।
 copy1691671952.jpg)
-1746009348.jpg)
