नेकपा एमालेका उपमहासचिव योगेश भट्टराईले महासचिव शंकर पोखरेललाई फोन गरेर सचिवालय बैठक बोलाउन माग गरेका छन्।
उपमहासचिव भट्टराईले मंगलबार महासचिव पोखरेललाई टेलिफोन गरेर तत्काल सचिवालय बैठक राख्न भनेका हुन्।
‘फागुन २१ गते प्रतिनिधि सभा चुनाव हुँदैछ, पुस १३ र १४ मा समानुपातिक सूची बुझाउने कार्यतालिका छ, माघ ६ गते प्रत्यक्ष तर्फ उम्मेदवारी दर्ताको कार्यतालिका छ, माघ ११ मा राष्ट्रिय सभा चुनाव छ, यी सबैका लागि कमिटी बैठक राखेर पहिला पहिला नाम माग्ने गरिन्थ्यो,’ योगेशले पोखरेललाई भनेका थिए, ‘यसपालि केही तयारी गरिएको औपचारिक जानकारी छैन, त्यसैले सचिवालय बैठक राख्नुपर्यो, छलफल गर्नुपर्यो।’
चुनावी तयारीलगायत विषयमा सचिवालय बैठक बोलाउन आफूले महासचिवलाई आग्रह गरेको उपमहासचिव भट्टराईको भनाइ छ। उम्मेदवारको मापदण्डलगायत बनाउनुपर्ने पनि उनको भनाइ छ।
-1746009348.jpg)
