अमेरिकी राष्ट्रपति डोनाल्ड ट्रम्पले अमेरिकी नौसैनिक प्रभुत्वलाई थप मजबुत बनाउन आफ्नै नाममा युद्धपोतहरू बनाउने घोषणा गरेका छन्।
युद्धपोतको ‘गोल्डेन फ्लिट’ बनाउनका लागि उनले ‘ट्रम्प-क्लास ब्याटलसी’ निर्माण गर्ने योजना सोमबार गरेको भनेर समाचार संस्था रोयटर्सले जनाएको छ।
अमेरिकी सेनासँग पूर्व राष्ट्रपतिहरूका नाममा लडाकू विमानहरू प्रयोग गर्न मिल्ने समेत गरी धेरै युद्धपोत छन्। तर अहिलेसम्म कुनै पनि बहालवाला राष्ट्रपतिले आफ्नै नाममा युद्धपोत बनाउने घोषणा गरेका थिएनन्। ट्रम्पले भने आफ्नै नाममा युद्धपोत बनाउने घोषणा गरेका छन्।
'गोल्डेन फ्लिट' विस्तार गर्ने अभियान अन्तर्गत सुरूमा दुई वटा युद्धपोत निर्माण गर्ने उनले खुलासा गरेका छन्।
यसलाई विस्तार गरेर अन्ततः २० देखि २५ वटा नयाँ युद्धपोत बनाउने उनले जानकारी दिएका छन्।
ती युद्धपोतहरू पहिलेका तुलनामा ठूला, तीव्र गतिका र एक सय गुणा बढी शक्तिशाली हुने दाबी पनि उनले गरेका छन्।
अमेरिकी नौसेना सचिव जोन फेलनले नयाँ युद्धपोतहरूको धेरै भारवहन क्षमता हुने र तीनमा इतिहासमै 'सबैभन्दा ठूला तोपहरू' हुने बताएका छन्। तीनमा समुद्रबाट प्रहार गर्न मिल्ने आणविक हतियारले सुसज्जित क्रुज मिसाइल पनि हुनेछन्।
(विभिन्न अन्तर्राष्ट्रिय सञ्चार माध्यमहरूको सहयोगमा तयार पारिएको)
-1746009348.jpg)
