राप्रपा र राप्रपा नेपालबीच पार्टी एकता गर्ने सहमति भएको छ।
राजेन्द्र लिङ्देन नेतृत्वको राप्रपा र कमल थापा नेतृत्वको राप्रपा नेपालबीच पार्टी एकताको सहमति भएको हो।
राप्रपाका प्रवक्ता मोहन श्रेष्ठले आजै दुई पार्टीबीच सहमति पत्रमा हस्ताक्षर हुने सेतोपाटीलाई जानकारी दिए।
‘दुई पार्टी एक भएर जाने सहमति भएको छ, आज बेलुकी ७ बजे हस्ताक्षर हुन्छ,’ उनले भने।
२०७८ मंसिरमा राप्रपाको सातौं महाधिवेशनमा अध्यक्ष पदमा थापा लिङ्देनसँग पराजित भएका थिए।
लगत्तै उनले राप्रपा छाडेर राप्रपा नेपाल ब्युँत्याएका थिए।
दुई पार्टीबीच पछिल्लो समय एकता गर्न संवाद समिति नै बनाएर गृहकार्य भइरहेको थियो।
-1746009348.jpg)
