राष्ट्रिय स्वतन्त्र पार्टी (रास्वपा)ले समानुपातिक उम्मेदवारका लागि ३८० जनाले आवेदन दिएका छन्।
ती आकांक्षीहरूबाट उम्मेदवार छान्नका लागि रास्वपाले विभिन्न कार्यक्रम गरेको छ। ३८० जनाभन्दा बढी आकांक्षीहरूसहित जिल्ला समिति, निर्वाचन क्षेत्र, पालिका र वडा तहका नेता–कार्यकर्ता समावेश गरेर समूह–समूहमा विभाजन गर्दै घर–दैलोमा पठाएको थियो।
त्यहाँ उनीहरू चुनावमा उम्मेदवारका लागि भोट मागेकै शैलीमा प्रस्तुत भएका थिए। पार्टीका कुरा गरे।र उम्मेदवारका रूपमा आफ्नो प्रस्तुति दिएका थिए।
निर्वाचन संयोजन समितिका संयोजक विपिनकुमार आचार्यका अनुसार फागुन २१ गतेका लागि समानुपातिक उम्मेदवारहरू छनोट गर्न गत कात्तिक २२ गतेदेखि नै प्रक्रिया आरम्भ गरेको थियो। रास्वपाले पहिलो चरणमा मंसिर २५ गतेसम्म आवेदन दिने समय निर्धारण गरेको थियो।
यसरी घरदैलो गरेका सांसदहरूले बिहीबारदेखि ब्लुप्रिन्ट, शून्य समयमा प्रस्तुति दिएका छन्। ब्लुप्रिन्ट प्रस्तुति र शून्य समयमा लागि ६ वटा क्लस्टरमा उम्मेदवार बाँडिएको छ। उनीहरूले क्लस्टरक्लस्टरमा नै आवेदन दिएका थिए। जुन क्लस्टरमा उम्मेदारी दिएका थिए, प्रस्तुति पनि त्यही समूहमा दिएका छन्।
६ क्लस्टर; खसआर्य, आदिवासी जनजाति, दलित, मुस्लिम, मधेसी, थारू आदि क्लस्टर बाँडेर उनीहरूलाई छुट्टाछुट्टै प्रस्तुति दिन लगाइने र यसरी बाँडिएको क्लस्टरहरूमा तीन–तीन जनाको मूल्यांकन समिति पनि बनाइएको छ। उनीहरूले क्षेत्रगतरूपमा मूल्यांकन फारम भरेर निर्वाचन समितिलाई बुझाउने आचार्यले बताए।
ब्लुप्रिन्ट प्रस्तुतिमा उम्मेदवारका प्रत्यासीले सांसदका रूपमा गर्नुपर्ने काम, उठाउनुपर्ने एजेन्डा, नीति निर्माण तहमा खेल्नुपर्ने भूमिकाका सन्दर्भमा केन्द्रित भएर प्रस्तुति दिनेछन्। यसरी प्रस्तुति दिन एक सदस्यलाई कम्तीमा १० मिनेटको समय उपलब्ध गराइने छ।
यसरी प्रस्तुति दिने आकांक्षीहरूले आफूबाहेक प्रस्तुतकर्ताको मूल्यांकनसमेत गर्नुपर्नेछ। यसो गर्नुको अर्थ उम्मेदवारहरूको मूल्यांकनसम्बन्धी सीपको नापजाँच गर्नु र त्यससम्बन्धी क्षमताको विकाससमेत गराउनु रहेको आचार्यले बताए।
शून्य समयमा भने प्रतिनिधि सभामा शून्य समयवापत उपलब्ध गराइने एक मिनेटभित्र उठाउनुपर्ने विषय नै त्यहाँ राख्न लगाइन्छ।
यो प्रक्रिया पूरा गरेका आकांक्षीहरूलाई गुगल फारम भराइने छ। फारममा राजनीतिक क्षेत्रसँग सम्बन्धित बहुविधागत, बहुआयामिक प्रश्नावलीहरू समाविष्ट हुनेछन्।
यो प्रक्रियामा सामेल भइसकेपछि रास्वपाले पुस १२ गते बिहान ७ बजेदेखि पुस १३ गते साँझ ७ बजेसम्म प्रारम्भिक मतदानको समय निर्धारण गरेको छ।
रास्वपाले यसअघि पनि उम्मेदवार छान्न प्राइमरी इलेक्सन गराएको थियो।
यसपटक रास्वपाले उम्मेदवारसँग छलफल, घरदैलो, ब्लुप्रिन्ट प्रस्तुति–शून्य समय, गुगल फारममार्फत लिडरसिप एकेडेमी र पोलिटिक प्रोक्सिमिटीको मापन गर्नेछ।
तस्बिरहरूः
-ink-1766649647.jpeg)
-ink-1766649647.jpeg)
-ink-1766649646.jpeg)
-ink-1766649646.jpeg)
-ink-1766649645.jpeg)
-ink-1766649645.jpeg)
-ink-1766649645.jpeg)
-ink-1766649645.jpeg)
-ink-1766649644.jpeg)
-ink-1766649644.jpeg)
-ink-1766649643.jpeg)
-ink-1766649643.jpeg)
-ink-1766649642.jpeg)
-ink-1766649642.jpeg)
-ink-1766649642.jpeg)
-ink-1766649641.jpeg)
-ink-1766651307.jpeg)
-1746009348.jpg)
