सरकारका प्रवक्ता तथा सञ्चार मन्त्री जगदीश खरेलले नेपाली कांग्रेसका सभापति शेरबहादुर देउवालाई भेटेका छन्।
सभापति देउवालाई भेट्न सञ्चार मन्त्री खरेल महाराजगञ्जस्थित निवासमा पुगेका हुन्।
सरकारले फागुन २१ का लागि प्रतिनिधि सभा चुनाव तोकेको छ।
चुनावी तयारीलगायत विभिन्न विषयमा सञ्चार मन्त्रीले कांग्रेससहित विभिन्न दलका नेताहरूसँग भेट्ने कार्यक्रमअनुसार यो भेटवार्ता भएको हो।
मन्त्री खरेलको सचिवालयका अनुसार आजै उनले नेपाल कम्युनिष्ट पार्टी (एमाले) का अध्यक्ष केपी शर्मा ओली र नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’सँग बेग्लाबेग्लै छलफल गर्ने कार्यक्रम छ।
-1746009348.jpg)
