नेपाली कांग्रेसका महामन्त्री गगन थापाले विशेष महाधिवेशन पुसभित्रै गर्ने अब केन्द्रीय कार्यसमितिको अनिवार्य जिम्मेवारीमा पर्ने बताएका छन्।
आज केन्द्रीय कार्यालयमा विशेष महाधिवेशन पक्षधरले स्मरण पत्र बुझाएपछि बोल्दै महामन्त्री थापाले विशेष महाधिवेशन विधानअनुसार पनि पुस मसान्तभित्र गर्नुपर्ने बाध्यकारी रहेको बताएका हुन्।
‘विशेष महाधिवेशन पुस मसान्तभित्र अनिवार्य रूपमा गर्नुपर्ने कुरा अब कांग्रेस केन्द्रीय समितिको अनिवार्य जिम्मेवारीभित्र पर्छ, यो हाम्रा लागि अब ऐच्छिक विषय रहेन,’ महामन्त्री थापाले भने।
पुस मसान्तभित्र १५ औं महाधिवेशन गरेको भए विशेष महाधिवेशन पक्षधरको मागको सार्थकता सकिने उनले बताए। तर यस बीचमा १५ औं महाधिवेशन हुने अवस्था नरहेकोमा स्वत: रूपमा विशेष महाधिवेशनलाई सम्बोधन गर्नुपर्ने उनले बताए।
उनले विशेष महाधिवेशन प्रक्रिया र तालिका कसरी अघि बढाउने भन्ने बारेमा केन्द्रीय कार्यालयमा छलफल गरिने र विशेष महाधिवेशन पक्षधरसँग बसेर कुरा हुने पनि बताए।
कांग्रेसका ५४ प्रतिशत महाधिवेशन प्रतिनिधिले असोज २९ गते विशेष महाधिवेशन माग गरेका थिए।
-1756794700.JPG)
-1746009348.jpg)
