निर्वाचन आयोगले समानुपातिक उम्मेदवारको बन्द सूची रीत पुर्याएर पेस गर्न दलहरूलाई आग्रह गरेको छ।
शनिबार विज्ञप्ती जारी गर्दै आयोगले दलहरूलाई ऐनले तोकेबमोजिम विधि, प्रक्रिया र प्रमाण कागजात पूरा गरेर मात्रै उम्मेदवारको बन्द सूची पेश गर्न आग्रह गरेको हो।
'प्रतिनिधि सभा समानुपातिक निर्वाचन निर्देशिका, २०८२ को दफा १३ ले तोके बमोजिमको विधि, प्रक्रिया र प्रमाण कागजात पूरा गरेर रीत पुर्याएर मात्र उम्मेदवारको बन्दसूची तयार गरी निर्वाचन कार्यक्रममा निर्धारित समयभित्र समानुपातिक निर्वाचन प्रणालीतर्फको निर्वाचन अधिकृतको कार्यालयमा उम्मेदवारको बन्दसूची पेश गर्नहुन अनुरोध गरिन्छ,' आयोगले विज्ञप्तिमार्फत भनेको छ।
फागुन २१ गते हुने निर्वाचनका लागि आइतबार र सोमबार समानुपातिक उम्मेदवारको बन्द सूची पेश गर्ने दिन तोकिएको छ।
आयोगले दुई दिन अपराह्न ४ बजेसम्म कार्यालय समयमा आयोग परिसरमा रहेको समानुपातिक निर्वाचन प्रणालीतर्फको निर्वाचन अधिकृतको कार्यालयमा पेश गर्ने गरी समय तोकिएको जनाएको छ।
आयोगले साथै राजनीतिक दलले समानुपातिक निर्वाचन प्रणालीतर्फको निर्वाचनको लागि तयार गरेको उम्मेदवारको बन्दसूची निर्वाचन कार्यक्रममा उल्लेख भएको समयभित्र निर्वाचन अधिकृतको कार्यालयमा पेश गरेपछि वा पेश गर्नुभन्दा अघि सम्बन्धित राजनीतिक दलले सर्वसाधारण सबैको जानकारीको लागि सार्वजनिक गर्न सक्ने जनाएको छ।
-1756794700.JPG)
-1746009348.jpg)
