प्रगतिशील लोकतान्त्रिक पार्टी (प्रलोपा) र उज्यालो नेपाल पार्टीबीच सहकार्यका विषयमा आज छलफल हुने भएको छ।
प्रलोपा अध्यक्ष परिषदकी सदस्य ओजस्वी भट्टराईले दुई पार्टीबीच छलफल हुन लागेको सेतोपाटीलाई जानकारी दिइन्।
उनकाअनुसार छलफल काठमाडौंको बौद्ध क्षेत्रमा आज साँझ हुनेछ।
छलफलमा प्रलोपाबाट अध्यक्ष परिषद सदस्यहरू ओजस्वी भट्टराई र सन्तोष परियारलगायत सहभागी हुनेछन्।
उज्यालो नेपालबाट को को सहभागी हुने यकिन भइसकेको छैन।
प्रलोपामा पूर्वप्रधानमन्त्री बाबुराम भट्टराई संरक्षक छन् भने मन्त्री कुलमान घिसिङनिकट दल उज्यालो नेपाल हो। यी दुई पार्टीबीच नभए चुनावी सहकार्य गरेर जाने विषयमा छलफल हुन लागेको नेताहरूले जनाएका छन्।
'सकेसम्म एकता नै गरेर जाने कुरा हो। हामीले चुनावी सहकार्य गरेर जाने कि भन्ने पनि छ। यी सबै कुरा छलफलकै चरणमा छन्,' प्रलोपाका एक नेताले भने।
-1756794700.JPG)
-1746009348.jpg)
