उज्यालो नेपाल पार्टी र प्रगतिशील लोकतान्त्रिक पार्टीबीच हुने भनिएको एकता तत्काल अघि नबढ्ने देखिएको छ।
दुवै पक्षका नेताहरूले पटक पटक भेटवार्ता गरे पनि सहकार्यका लागि ठोस सहमति हुन नसकेको नेताहरूले बताएका छन्।
उज्यालो नेपाल पार्टीका संरक्षक रहेका मन्त्री कुलमान घिसिङसँग हिजो बेलुका छलफल भएको र फेरि कुरा गरौँला भन्दै सकिएको प्रलोपा अध्यक्ष परिषदकी सदस्य ओजस्वी भट्टराईले जानकारी दिइन्।
‘हिजो एकैछिन कुलमानजीसँग हाम्रो कुराकानी भएको थियो। हामीले पार्टी एकता गर्न तयारै भएको कुरा राख्यौँ। कुलमानजी त खासै बोल्नुहुने रहेनछ। फेरि भोली बसौँला भनेर छुट्टियौँ,’ उनले भनिन्, ‘खासै धेरै कुरा नै भएन।’
अध्यक्ष परिषदका अर्का अध्यक्ष सन्तोष परियारले हिजो प्रलोपाकै केही नेताहरूले बस्नुपर्यो भनेपछि कुलमानसँग भेट्न गएको तर उनले भोलि फेरि कुरा गरौँला भनेपछि आफ्ना कुरा राखेर फर्किएको बताए।
‘उज्यालो नेपालका साथीहरूले बसेर कुरा गरौँ भन्नुभयो। हामी त हाम्रा मुद्दा मिल्छन् एक भएर जाने कुरामा खुला नै छौँ भनेको हो,’ उनले भने, ‘अब केही होला जस्तो मलाई लाग्दैन।’
हिजोको भेटमा उज्यालो नेपाल पार्टीका तर्फबाट कुलमानमात्र थिए भने प्रलोपाका भट्टराई, परियारलगायत उपस्थित थिए।
कुलमाननिकट स्रोत पनि प्रलोपासँगको एकताको कुरा खासै गम्भीररूपमा अघि नबढेको नभएको बताउँछ।
-1756794700.JPG)
-1746009348.jpg)
