रास्वपाको प्राइमरी चुनाव नतिजा- ६ वटा क्लस्टरमा कसले कति पाए मत?

सेतोपाटी संवाददाता

काठमाडौं, पुस १४

रास्वपा केन्द्रीय समिति बैठक। फाइल तस्बिर।

राष्ट्रिय स्वतन्त्र पार्टी (रास्वपा) ले समानुपातिक तर्फको प्राथमिक निर्वाचन (प्राइमरीतर्फ) को नतिजा सार्वजनिक गरेको छ।

रास्वपाले ६ वटा क्लस्टरमा सबैभन्दा धेरै मत प्राप्त गर्ने ९–९ जनाको नाम सार्वजनिक गरेको हो।

रास्वपाले सदस्यहरुले समानुपातिक तर्फको उम्मेदवार चयनका लागि मोबाइल एपमा मतदान गरेका थिए।

रास्वपाले सबै उम्मेदवार र उनीहरूले प्राप्त गरेको मत भने सार्वजनिक गरेको छैन। तर खस आर्य, आदिवासी जनजाति, मधेसी, दलित, थारु र मुस्लिम क्लस्टरमा सबैभन्दा धेरै मत प्राप्त गर्ने व्यक्तिहरूको नाम र मत सार्वजनिक गरेको हो।

आज बिहान १० बजेसम्म रास्वपाका सदस्यहरूले मतदान गर्ने समय छुट्याइएको थियो।

रास्वपाले समानुपातिकतर्फ १ सय १० उम्मेदवार छान्नुपर्ने भए पनि ५४ जनाको मात्र नाम सार्वजनिक गरेको हो। प्रतिनिधि सभामा समानुपातिकतर्फ १ सय १० सिट का लागि निर्वाचन हुँदैछ। निर्वाचन आयोगमा दलहरूले आजै समानुपातिक तर्फको उम्मेदवारको नामावली बुझाउनुपर्नेछ।

रास्वपा र बालेन शाहबीच सहमति भएकाले रास्वपाले आधा मात्र नाम सार्वजनिक गरेको हो। बालेन शाह पक्षलाई समानुपातिकतर्फ बुझाउन रास्वपाले ४० जनाको नाम प्राप्त मागेको बताइएको छ। त्यसअनुसार रास्वपाले ७० जनाको नाम तय गर्नुपर्ने थियो तर रास्वपाले ५४ जनाको मात्र नाम रास्वपाले टुंगो लगाएको हो।

समानुपातिक निर्वाचन प्रणालीमा सिङ्गो मुलुकलाई एक निर्वाचन क्षेत्र मानिन्छ। कुनै पनि दलले समानुपातिक तर्फ सिट प्राप्त गर्न कम्तिमा सदर मतको ३ प्रतिशत मत कटाउनुपर्छ।

त्यसपछि निर्वाचन आयोगले दलले प्राप्त गरेको मतका आधारमा सिट संख्या निर्धारण गर्छ।

२०७९ सालमा भएको निर्वाचनमा झण्डै ८५ हजार मत बराबर एक सिट भाग लागेको थियो। जसअनुसार राष्ट्रिय स्वतन्त्र पार्टीले ११ लाख ३० हजार ३ सय ४४ मत प्राप्त गर्दा १३ सिट प्राप्त गरेको थियो।

यसपटक निर्वाचनमा झण्डै ९ लाख मतदाता थपिएका छन्। निर्वाचनमा मतदान बढेको अवस्थामा झण्डै ९० देखि ९५ हजार मत बराबर एक सिट आउने अवस्था हुनसक्छ। रास्वपाबाट यी ५४ जना निर्वाचित हुनका लागि ४८ लाख ६० हजार मत आवश्यक हुन्छ।

०७९ सालको निर्वाचनमा समानुपातिकतर्फ सबैभन्दा ठूलो दल नेकपा एमाले भएको थियो।

एमालेले २८ लाख ४५ हजार मत प्राप्त गर्दा ३४ सिट समानुपातिक तर्फ जितेको थियो।

दोस्रो भएको नेपाली कांग्रेसले २७ लाख १५ हजार मत प्राप्त गर्दा ३२ सिट पाएको थियो।

तेस्रो भएको नेकपा माओवादी केन्द्रले ११ लाख ७५ हजार मत प्राप्त गर्दा १४ सिट पाएको थियो।

रास्वपा चौथो भएको थियो।

समूह	नाम		प्राप्त मत
खस आर्य	1	रमेश प्रसाईं	18223
खस आर्य	2	प्रमोद न्यौपाने	14167
खस आर्य	3	रञ्जु दर्शना	13551
खस आर्य	4	टिका साङ्ग्रौला (ज्वाला)	13106
खस आर्य	5	लिमा अधिकारी (आचार्य)	12760
खस आर्य	6	समीक्षा बाँस्कोटा	12460
खस आर्य	7	विपिन कुमार आचार्य	12245
खस आर्य	8	क्रान्तिशिखा धिताल	11781
खस आर्य	9	प्रतिभा रावल	11721
आदिवासी जनजाति	1	उत्तम बहादुर गुरुङ	16012
आदिवासी जनजाति	2	सत्य कल्पना राई	14201
आदिवासी जनजाति	3	टाशी ल्हाजोम	13072
आदिवासी जनजाति	4	मिलन लिम्बु	13059
आदिवासी जनजाति	5	सृजना श्रेष्ठ	12475
आदिवासी जनजाति	6	निर्मला खिम्दिङ	11732
आदिवासी जनजाति	7	एलिजा गुरुङ	11489
आदिवासी जनजाति	8	मेघना श्रेष्ठ	11235
आदिवासी जनजाति	9	तिला खत्री	10519
मधेशी	1	पूनम कुमारी अग्रवाल	15745
मधेशी	2	डा. अंकिता ठाकुर	12322
मधेशी	3	ममता शर्मा	11630
मधेशी	4	सोनमती कुमारी यादव	11120
मधेशी	5	कामिनी कुमारी	11038
मधेशी	6	डा. अभिजित गुप्ता	10437
मधेशी	7	जुली यादव	9962
मधेशी	8	पूनम साह	9742
मधेशी	9	निशा मेहता	9625
दलित	1	विजय जैरु	13143
दलित	2	अमुता विक	13073
दलित	3	सबिना विश्वकर्मा	12856
दलित	4	स्मृती सेञ्चुरी	12710
दलित	5	अविता नेपाली	12285
दलित	6	सीता विश्वकर्मा	11215
दलित	7	रुपक विश्वकर्मा घिमिरे	11155
दलित	8	खिमा बीके	9835
दलित	9	चन्द्रकला बीके	9719
थारु	1	प्रेमलाल चौधरी	17425
थारु	2	चुमन चौधरी	13613
थारु	3	पुष्पा कुमारी चौधरी	13535
थारु	4	महेश राम थारु	13246
थारु	5	गोविन्द बहादुर थारु	11666
थारु	6	करिश्मा कठरिया	10228
थारु	7	गीता चौधरी	7154
थारु	8	कविता कुमारी चौधरी	5326
थारु	9	कलावती चौधरी	3704
मुस्लिम	1	समिना मिया	15967
मुस्लिम	2	अख्तर हुसेन	15157
मुस्लिम	3	मोहम्मद हसरत अली	14463
मुस्लिम	4	मिर्जा राशिद बेग	10873
मुस्लिम	5	कमालुद्दिन इद्रिस	10658
मुस्लिम	6	इश्रा मुल्ला मिया	9969
मुस्लिम	7	गजल शामिम मिक्रानी	9013
मुस्लिम	8	समिउन निशा	8339
मुस्लिम	9	ई. मोहम्मद अयुब	7328