फागुन २१ को प्रतिनिधिसभा निर्वाचनका लागि समानुपातिकको बन्दसूची बुझाउने अन्तिम दिन सोमबार अहिलेसम्ममा जम्मा १६ वटाले सूची बुझाएका छन्।
सोमबार राति ८ बजेसम्म समानुपातिक सूचीमा बुझाउनेमा १६ दलमा नेपाल मजदुर किसान पार्टी (नेमकिपा), नेपाल लोकतान्त्रिक पार्टी, राष्ट्रिय जनमोर्चा, जनप्रिय लोकतान्त्रिक पार्टी, नेकपा (पुष्पलाल), गतिशील लोकतान्त्रिक पार्टी, जसपा नेपाल, समावेशी समाजवादी पार्टी, समावेशी समाजवादी पार्टी नेपाल, नेपाल जनता संरक्षण पार्टी, नागरिक शक्ति नेपाल, राष्ट्रिय जनमुक्ति पार्टी, नेपाल जनमुक्ति पार्टी, मंगोल नेसनल अर्गनाइजेसन नेपाल, उन्नत लोकतन्त्र पार्टी र नेकपा एमाले छन्।
आयोगले सोमबार अपराह्न ४ बजेसम्म सूची बुझाउन भनेको थियो। तर नेकपा एमालेबाहेक अन्य ठूला दलले अहिलेसम्म उम्मेदवार सूची बुझाएका छैनन्।
अहिलेसम्म सूची नबुझाउने दलहरूको के हुन्छ त?
निर्वाचन आयोगले तोकिएको समयमा सूची बुझाउन नसक्ने दलहरूलाई 'निस्सा' लिएर जाने सुविधा दिएको छ। निस्सा लिएर जाने दलहरूले आज राति वा भोलिसम्म पनि आफ्नो समानुपातिक सूची बुझाउन सक्छन्।
नेपाली कांग्रेस, नेपाली कम्युनिस्ट पार्टी लगायत सबै ठूला दलहरूले आयोगबाट निस्सा लिएर गएका छन्। राष्ट्रिय स्वतन्त्र पार्टी (रास्वपा) ले पनि निस्सा लिएर गएको छ।
समानुपातिक सूची बुझाउनुअघि कुलमान घिसिङसँग रास्वपाको फाइनल मिटिङ चल्दैछ। यो मिटिङ सफल भयो भने रवि, बालेन र कुलमानले मिलेर सूची बुझाउने छन्।
अरू दलहरूले पनि आन्तरिक तयारीको निम्ति पर्याप्त समय होस् भनेर निस्सा लिएर गएका हुन्।
-1767016666.jpg)
-1756794700.JPG)
-1746009348.jpg)
