नेपाली कांग्रेसका सभापति शेरबहादुर देउवाले बोलाएको आफू निकटको छलफलमा नेता शेखर कोइराला पनि पुगेका छन्।
भृकुटीमण्डपमा विशेष महाधिवेशन नेतृत्व चयन गर्ने बाटोमा अघि बढेपछि देउवाले आफूनिकटलाई छलफलमा बोलाएका थिए।
त्यसक्रममा नेता कोइराला पनि आफू निकटलाई लिएर महाराजगन्ज पुगेको एक नेताले जानकारी दिए।
छलफलमा उनीसँगै सहमहामन्त्रीहरू जीवन परियार, बद्री पाण्डे, मिनेन्द्र रिजाल लगायत नेताहरू छन्।
देउवाले छलफलमा कानुन व्यवसायीहरूलाई पनि बोलाएका छन्।
भृकुटीमण्डपमा विशेष महाधिवेशको बन्द सत्रमा देउवा नेतृत्वको कार्यसमिति विघटन गर्ने प्रस्ताव पेस भएको छ। सभापति देउवाले विशेष महाधिवेशन भइरहेको र पार्टीभित्र सिर्जना हुनसक्ने अवस्थाबारे छलफल गर्न लागेका हुन्।
बिहान नेता शेखर कोइरालाले पनि आफूनिकट पदाधिकारी र केन्द्रीय सदस्यहरूसँगै कानुन व्यवसायीलाई पनि राखेर छलफल गरेका थिए।
विशेष महाधिवेशन नेतृत्व चयन गर्नेतर्फ अगाडि बढिरहँदा संस्थापनका नेताहरू छलफलमा जुटेका हुन्।
-1746009348.jpg)
