मनिष लिम्बू नेतृत्वको लिम्बुवान क्रान्तिकारी पार्टी र जसपा उपाध्यक्ष शिवलाल थापाको समूह नेपाली कम्युनिस्ट पार्टीमा समाहित भएका छन्।
नेकपाको केन्द्रीय कार्यालय पेरिसडाँडामा सोमबार दुई समूहसँग नेकपाले एकता गर्ने सहमति गरी समझदारीपत्रमा हस्ताक्षर भएको हो।
लिम्बुवान क्रान्तिकारीले दुई बुँदे र शिवलाल थापा समूहले पाँच बुँदे सहमति गरी नेकपामा समाहित भएका हुन्।
लिम्बुवान क्रान्तिकारी पार्टीले उठाउँदै आएको मुद्दालाई नेकपाको आन्तरिक जनवादमा छलफल र बहसमार्फत टुंगो लगाउने सहमति भएको छ।
साथै लिम्बूवान क्रान्तिकारी पार्टीका सबै तहका समितिहरूलाई सम्मानका साथ उपयुक्त ढंगले समायोजन गर्ने सहमति भएको छ।
जसपा उपाध्यक्ष थापा समूहसँगको पाँच बुँदे सहमतिमा समाजवादी गणतन्त्र प्राप्तिका लागि सडक, सदन र सरकार तीन वटै क्षेत्रमा संघर्षरत रहने सहमति भएको छ।
यस्तो छ दुवैसँग भएको सहमतिपत्र
-1746009348.jpg)
