नेपाली कांग्रेसकी केन्द्रीय सदस्य कान्तिका सेजुवालले विशेष महाधिवेशन पक्षधरले उपस्थितिको नाममा ‘फेक डेटा’ प्रस्तुत गरेको आरोप लगाएकी छिन्।
कांग्रेस केन्द्रीय कार्यालयमा पत्रकारहरुसँग कुरा गर्दै सेजुवालले मिडिया ट्रायल गरेर हतोत्साही पार्ने काम भएको बताइन्। नेपाली कांग्रेसले आजै केन्द्रीय समितिको बैठक डाकेको छ।
‘केन्द्रीय समितिबाट हामी वार्ताको आव्हान गर्छौँ । मेलमिलाप गर्नुपर्छ। पार्टी टुक्रन दिनु हुदैँन’, सेजुवालले भनिन्, ‘फेक डेटा ल्याएर, मरेकालाई फर्म्याट पठाएर मन्जुरीनामा दिएर यति प्रतिशत भयो, उति प्रतिशत भयो भनेर हतोत्साही गर्ने गरी मिडिया ट्रायल भएकोमा आपत्ति छ।’
सेजुवालले विशेष महाधिवेशन पक्षधरले पार्टीको नेतृत्व चयनका लागि निकालेको कार्यतालिका अवैध भएको बताइन्।
‘अवैध कार्यतालिकाको मान्यता हुदैँन’, सेजुवालले भनिन्, ‘पार्टीका महामन्त्रीहरु भविष्य बोकेको, आशा गरेको मान्छे हो। देशको प्रधानमन्त्री र पार्टी सभापति नियमित महाधिवेशनबाट चुनिन सक्नुहुन्छ।’
सेजुवालले अहिले पनि विशेष महाधिवेशन पक्षधरसँग लचक भएर संस्थापन (शेरबहादुर देउवा पक्षधर)ले छलफल गरिरहेको बताइन्। सेजुवाल कांग्रेस सभापति शेरबहादुर देउवा पक्षकी केन्द्रीय सदस्य हुन्।
-1746009348.jpg)
