नेपाली कांग्रेसको विशेष महाधिवेशनस्थलबाट चार जनाले सभापति उम्मेदवारको फारम लगेका छन्।
मंगलबार साँझ साढे ६ बजेदेखि साढे ७ बजेसम्म मनोनयन पत्र दर्ता गर्नका लागि तोकिएको छ। केन्द्रीय निर्वाचन समितिबाट चार जनाले सभापतिको फारम लगेका हुन्।
क-कसका लागि उक्त फारम लगिएको हो भन्ने यकिन भने छैन।
त्यस्तै पदाधिकारीको अरू पदका लागि पनि ३० वटा फराम लगिएको छ।
सभापतिमा उम्मेदवारी दिन ३० हजार रूपैयाँ शुल्क तोकिएको छ।
केन्द्रीय उपसभापति र महामन्त्रीका लागि समान २५ हजार रूपैयाँ शुल्क निर्धारण भएको छ।
त्यस्तै सहमहामन्त्री पदका लागि २० हजार रूपैयाँ शुल्क तोकिएको केन्द्रीय निर्वाचन समितिका संयोजक सीताराम केसीले जानकारी दिए।
केन्द्रीय सदस्य पदका लागि भने १० हजार रूपैयाँ शुल्क तोकिएको छ।
मनोनयनको फारम लग्दा शुल्क बुझाउनु नपर्ने भएपनि दर्ता गर्दा भने दस्तुर बुझाउनुपर्नेछ।
-ink-1768294967.jpeg)
-1746009348.jpg)
