कार्यवाहक प्रमुख निर्वाचन आयुक्त रामप्रसाद भण्डारीले निर्वाचन घोषणा भइसकेपछि विधि र प्रविधि परिवर्तन गर्न नसकिने बताएका छन्।
मंगलबार मुख्य निर्वाचन अधिकृत, निर्वाचन अधिकृत र प्रदेश तथा जिल्लाका निर्वाचन अधिकारीहरूलाई आयोजित अभिमुखीकरण कार्यक्रममा बोल्दै उनले भने, ‘निर्वाचन घोषणा भइसकेपछि विधि र प्रविधि परिवर्तन गर्न सकिँदैन। यसो गर्दा अन्तर्राष्ट्रिय स्तरमा हाम्रो निर्वाचनको निष्ठा र परिणाममा प्रश्न उठ्न सक्छ। निर्वाचन आयोग अहिले मुलुकभित्र उपलब्ध स्रोत र साधनको सीमाभित्र रहेर मतदानको व्यवस्था गर्दैछ।’
उनले वैदेशिक सहायता सीमित भएको र सवारीसाधन र अन्य साधन प्राप्त भएपछि उचित समयमा वितरण गरिने उनले जानकारी दिए।
‘सरकारको स्रोत साधन र शक्ति हामीसँग छ। अहिले विदेशी कुनै पनि सहायता सहयोग हामीलाई छैन। अहिले मुलुकभित्रकै जे जस्तो हाम्रो स्रोत शक्ति छ त्यसैको परिधिभित्र रहेर हामी निर्वाचन गराउँदैछौं। निर्वाचनमा खटिन श्रीमानहरूलाई खाइपाई आएको र भइहेको सुविधा कटौती गरेर निर्वाचन गर्नुस् भन्ने होइन।’
आचारसंहिता अनुगमन सम्बन्धी कमजोरी पहिचान गरी सुधार गर्न अभिमुखीकरण कार्यक्रम आवश्यक भएको र आयोगले यसमा सक्रिय भूमिका खेलिरहेको भण्डारीले बताए।
कार्यवाहक आयुक्त भण्डारीले मिस–इन्फर्मेसन, डिसइन्फर्मेसन र हेट स्पिच नियन्त्रणलाई जलन्त चुनौतीको रूपमा उल्लेख गर्दै, सबै तहका अधिकृतलाई सचेत रहन र कुनै पनि दलले अर्को दललाई निषेध भावले हेर्यो भने तत्काल नियन्त्रण गर्ने जिम्मेवारी पूरा गर्न निर्देशन दिए।
-1746009348.jpg)
