नेपाली कांग्रेसको केन्द्रीय समितिको बैठक सुरू हुन लागेको छ।
बुधबार बिहान ८ बजे केन्द्रीय कार्यालय सानेपामा बोलाइएको केन्द्रीय समिति बैठक दुई घण्टापछि सुरू हुन लागेको हो। केन्द्रीय समिति बैठकमा सहभागी हुन नेताहरू सानेपा पुग्दै छन्।
भृकुटीमण्डपको कांग्रेस विशेष महाधिवेशन नेतृत्व चयनमा अघि बढेपछि संस्थापन पक्षले मंगलबार बिहान ११ बजे बस्ने गरी केन्द्रीय समिति बैठक बोलाएको थियो।
विशेष महाधिवेशन पक्षसँग संवाद अघि बढेपछि बिहान बस्ने तय भएको बैठक दिउँसो १ बजेका लागि सारिएको थियो।
लाजिम्पाटको एक घरमा विशेष महाधिवेशन पक्ष र संस्थापन पक्षबीच बैठक लम्बिएपछि दिउँसो १ बजे पनि बैठक बस्न सकेन।
बेलुकी अबेर केही बेर मात्रै बसेर बैठक बुधबार बिहान ८ बजेसम्मका लागि स्थगित गरिएको थियो।
बिहान महामन्त्रीद्वय गगन थापा र विश्वप्रकाश शर्मासँग सभापति शेरबहादुर देउवाले संवाद गरेकाले केन्द्रीय समिति बैठक धकेलिएको थियो। संवाद भने सौहार्द बन्न नसकेको नेताहरूले बताएका छन्। संस्थापन पक्ष र विशेष महाधिवेशन पक्षबीच थप संवादको सम्भावनाबारे अन्योल रहेको पनि नेताहरूले बताएका छन्।
अहिलेको केन्द्रीय समिति बैठकमा विशेष महाधिवेशन पक्ष सहभागी नहुने जनाइसकेको छ।
तस्बिरहरूः
-ink-1768365856.jpeg)
-ink-1768365856.jpeg)
-ink-1768365856.jpeg)
-ink-1768365856.jpeg)
-ink-1768365854.jpeg)
-ink-1768365854.jpeg)
-ink-1768365854.jpeg)
-ink-1768365854.jpeg)
-ink-1768365853.jpeg)
सबै तस्बिरः नेपाल फोटो लाइब्रेरी।
-ink-1768365853.jpeg)
-1746009348.jpg)
