नेपाली कांग्रेसका केन्द्रीय समिति बैठक सुरू भएको छ।
बिहान ८ बजे बस्ने गरी बैठक बोलाइएको भए पनि विशेष महाधिवेशन पक्षधरसँगको संवाद जारी रहँदा बैठक बस्न ढिलाइ भएको हो।
बैठकमा अहिले नेता रमेश लेखकले विशेष महाधिवेशन पक्षधरसँग भएको वार्ताबारे ब्रिफिङ गरिरहेको एक केन्द्रीय सदस्यले सेतोपाटीलाई जानकारी दिए।
उनले विशेष महाधिवेशन पक्षधरसँग के-के विषयमा संवाद भएको, मिलेको विषय र सहमति हुन नसकेको विषयबारे केन्द्रीय समितिमा ब्रिफिङ गरिरहेका छन्।
विशेष महाधिवेशन पक्षसँग संवाद गर्नका लागि संस्थापनको सभापति शेरबहादुर देउवा पक्षबाट रमेश लेखक र बालकृष्ण खाँण सहभागी थिए।
मंगलबार दिनभरजसो उनीहरूले विशेष महाधिवेशन पक्षसँग लाजिम्पाटको एक घरमा वार्ता गरे पनि निष्कर्षमा पुग्न सकेन।
निकटलाई खटाएर सहमति नजुटेपछि सभापति देउवा आफैले दुई महामन्त्री गगन थापा र विश्वप्रकाश शर्मालाई निवासमा बोलाएर छलफल गरेका थिए।
छलफलका क्रममा दुई महामन्त्रीले सभापति देउवाले राजीनामा दिएर सिंगापुर जानुअघिको प्रतिबद्धता कार्यान्वयन गर्नुपर्ने भनेका थिए।
सभापति देउवासँगको छलफलबाट पनि सहमति ननिस्किएपछि भृकुटीमण्डपको विशेष महाधिवेशन निर्वाचनतर्फ र सानेपाको केन्द्रीय समिति बैठक अघि बढेको हो।
-ink-1760431029.jpeg)
-1746009348.jpg)
