हुम्ला र बाजुराको सीमा क्षेत्र विवादबारे अध्ययन गर्न गृह मन्त्रालयले प्रहरी वरिष्ठ उपरीक्षक (एसएसपी)को कमाण्डमा टोली गठन गरेको छ।
मन्त्रालयका प्रवक्ता एवं सहसचिवका अनुसार एसएसपीको संयोजकत्वमा छानबिन टोली गठन गर्ने निर्णय भएको हो।
गृहमन्त्रालयका सचिवको संयोजकत्वमा रक्षासचिवसहित सबै सुरक्षा निकायका प्रमुख एवं प्रतिनिधिहरूको उपस्थितिमा आकस्मिक टोली बनाइएको प्रवक्ता काफ्लेले बताए।
‘टोलीलाई तुरून्त कार्यस्थलमा खटिन र प्रतिवेदन पेस गर्न निर्देशन दिइएको छ। यस घटनाको जानकारी प्राप्त हुनासाथ गृह मन्त्रालय पूर्ण रूपमा सक्रिय भई तत्कालै हुम्ला र बाजुरा दुबै जिल्लाबाट नेपाल प्रहरी र सशस्त्र प्रहरी बलको विशेष टोली घटनास्थलमा परिचालन गरिसकेको छ,’ काफ्लेले जारी गरेको विज्ञप्तिमा भनिएको छ।
यसअघि आजै प्राविधिक अध्ययनका लागि भूमि व्यवस्था मन्त्रालयले नापी विभागका उपमहानिर्देशक सुशील डंगोलको संयोजकत्वमा समिति गठन गरेको छ।
जेठ २ गते बाजुराको हिमाली गाउँपालिका–३ च्याचौर क्षेत्रमा निर्माणाधीन अस्थायी प्रहरी चौकीको विषयमा भएको झडप भएको हो। सीमा क्षेत्रमै रहेको हुम्लाका स्थानीय र बाजुराका स्थानीयबीच झडप भएको हो।
-1779351590.jpg)
