प्रतिनिधिसभा नियमावली, २०८३ पारित भएको छ ।
प्रतिनिधिसभाको आइतबार रातिको बैठकबाट उक्त नियमावली पारित भएको हो।
विपक्षी दलहरुको नाराबाजी र वेल घेराउबीच सभामुख डोलप्रसाद अर्यालले उक्त नियमावली पारितका लागि निर्णयार्थ प्रस्तुत गरेपछि बहुमतले त्यसलाई पारित गरेको हो।
विपक्षी दलले नियमावालीमा थप छलफल माग गरेका थिए।
सभामुख डोलप्रसाद अर्यालले प्रतिनिधिसभा नियमावली मस्यौदा समितिको प्रतिवेदन, २०८३ को नियम २ देखि २६३ सम्म र अनुसूची १ देखि ७ सम्म उक्त नियमावलीको अङ्ग बनेको घोषणा गरे।
बैठकमा बहुमत सांसदहरूले नियमावली मस्यौदा समितिको प्रतिवेदनका सम्बन्धमा सभापति पराजुलीले जवाफ दिने क्रममा स्वीकार गरेको संशोधन स्वीकृत गरेको थियो।
पारित भएको नयाँ प्रतिनिधि सभा नियमावली तत्काल लागू हुने बताइएको छ।
