प्रमुख प्रतिपक्षी दल नेपाली कांग्रेसका सांसद सन्तोष सुब्बाले संसद बैठक प्रारम्भ र निरन्तरता दिन सभामुखको जिम्मेवारी रहेको बताएका छन्।
सोमबार प्रतिनिधि सभा बैठकमा बोल्दै सांसद सुब्बाले समस्याहरूको खोजी गरेर संसदले निकास दिनुपर्ने बताएका हुन्।
'संसदले निकास दिन्छ कि दिँदैन? तपाईं हाम्रो अभिभावक हो। तपाईं फेल हुन छुट छैन। तपाईंले हामीलाई डोहोर्याएर लैजाने हो। बरू हाम्रा स-साना कमजोरी होलान्, हामीबाट सच्याउन सकिन्छ होला, तर तपाईंलाई छुट छैन,' उनले भने।
त्यसकारण संसद प्रारम्भ र निरन्तरताको जिम्मेवारी सभामुखले लिनुपर्ने उनले बताए।
'संसदमा उपस्थित भएर प्रधानमन्त्रीले जबाफ दिनुपर्छ। कहाँ कहाँ नेपालले भारतको भूमि मिचेको छ त्यो स्पष्टताका साथ भन्नुपर्छ। नेपाली कांग्रेसको तर्क यही हो। कांग्रेस मर्यादित भएर संसदलाई अझै परिस्कृत बनाउँदै तपाईंलाई नै शक्तिशाली बनाएर लैजान तयार छ,' उनले भने।
सोमबार पनि विपक्षीहरूले अवरोध जारी राखेपछि अर्को सूचना जारी नभएसम्मका लागि प्रतिनिधि सभा बैठक स्थगित गरिएको छ।
-1780905536.jpg)
