नवलपरासीस्थित कावासोती नगरपालिका-१६मा गएराति बोलेरो र बस एकआपसमा ठोक्किँदा एक जनाको मृत्यु भएको छ। बोलेरोका चालकको च्यापिएको अवस्थामा घटनास्थलमै मृत्यु भएको हो।
बुधबार पौने ११ बजे काठमाडौंबाट पश्चिमतर्फ जाँदै गरेको ना ७ ख ५८ १५ नम्बरको बस र नवलपरासीबाट केरा बोकेर नारायणगढतर्फ आउँदै गरेको लु २ च ६०७० नम्बरको बोलेरो एक आपसमा ठोक्किएको हो।
बोलेरो चालकसँगै सवार अर्का एक जनाको अवस्था गम्भीर रहेको र मध्य विन्दु अस्पताल, डण्डामा उपचार भइरहेको कावासोती प्रहरी कार्यालयले जनाएको छ।
बसमा ४० जना सवारमध्ये ८ जना सामान्य घाइते भएको प्रहरीले जनाएको छ।
त्यस्तै बसका चालकलाई प्रहरीले नियन्त्रणमा लिई अनुसन्धान भइरहेको कावासोती प्रहरी कार्यालयका प्रहरी प्रशनीराकेश ठाकुरले जानकारी दिए।
मृतकको सनाखत हुन बाकीँ छ।
