तनहुँको ऋषिङ गाउँपालिका वडा नम्बर ८ मा गए राती गएको पहिरोले पाँच जना बेपत्ता छन्।
आइतबार राती करिब २ बजेतिर गएको पहिरोमा परी दुई घरपरिवारका पाँच जना पुरिएको प्रमुख जिल्ला अधिकारी बद्रीनाथ अधिकारीले सेतोपाटीलाई जानकारी दिए।
‘पहिरोले घर पुरिएर ऋषिङमा पाँच जना बेपत्ता छन्,’ उनले भने, ‘दुई घरका पाँच जना पहिरोमा पर्नुभएको हो।’
घटनास्थलमा नेपाल प्रहरी पुगेको छ।
बेपत्ताहरूको खोजि कार्य जारी रहेको उनले बताए। नदीमा पानीको बहाब बढेकोेले नदी किनार आसपास पनि समस्यामा रहेको उनले जानकारी दिए।
‘म्याग्देलगायत ठाउँमा पनि पहिरो गएको छ। तर अहिलेसम्म मानिसहरूको अवस्था सुरक्षित नै छ,’ उनले भने।