सर्लाहीमा श्रीमानले चलाएको मोटरसाइकलबाट खस्दा श्रीमतीको मृत्यु भएको छ।
सोमबार हरिपुर नगरपालिका-४ मा हरैयाबाट मलंगवातर्फ जाँदै गरेको बा ९ प ९९३५ नम्बरको मोटरसाइकलबाट खस्दा ४० वर्षीया श्रीमती सन्जु देवीको मृत्यु भएको हो।
सो मोटरसाइकल ४५ वर्षीय श्रीमान नागेन्द्र रामले चलाउँदै थिए। मोटरसाइकलबाट खस्दा सन्जु गम्भीर घाइते भएकी थिइन्।
उनको उपचारका लागि जिल्ला अस्पताल मलंगवा सर्लाही लगिएको थियो।
सन्जुको टाउको र दाहिने कानमा चोट लागेको जिल्ला प्रहरी कार्यालयले जनाएको छ।
त्यस्तै, थप उपचारका लागि वीरगञ्जको न्युरो अस्पतालमा ‘रिफर’ गरिएको थियो भने उपचारका क्रममा उनको मृत्यु भएको छ।
