काठमाडौं उपत्यकामा थप ६ सय ७६ जनामा कोरोना भाइरसको संक्रमण पुष्टि भएको छ।
मंगलबार स्वास्थ्य मन्त्रालयका अनुसार पछिल्लो २४ घण्टामा उपत्यकामा थप ६ सय ७६ जनामा कोरोना संक्रमण देखिएको हो।
त्यसमध्ये काठमाडौंका ५ सय ५५ जना, ललितपुरका ३५ जना र भक्तपुरका ८६ जना छन्।
अहिलेसम्म काठमाडौंमा १० हजार २८ जना, ललितपुरमा १ हजार १ सय ९१ जना र भक्तपुरमा १ हजार २९ जनामा कोरोना भाइरसको संक्रमण भइसकेको छ।
पछिल्लो २४ घण्टामा नेपालमा थप एक हजार ४ सय ५९ जनामा कोरोना भाइरसको संक्रमण पुष्टि भएको छ।
मंगलबारमात्रै एक हजार ६२ जना निको भई घर फर्किसकेका छन् भने थप ११ जनाले ज्यान गुमाएका छन्।
* यसअघि अन्यथा हुन गएकोमा सच्याइएको छ- सम्पादक
