काठमाडौं महानगरपालिकाले बिग्रिएको खाद्य सामग्री बिक्री वितरण गर्ने एक पसललाई जरिवाना तिराएको छ।
लाजिम्पाटस्थित आकाश फुड्सलाई बिग्रिएको खाद्य सामग्री बिक्री गरेको भेटिएपछि एक लाख ५० हजार रुपैयाँ जरिवाना तिराएको निरीक्षण अधिकृत बलराम त्रिपाठीले जानकारी दिए।
‘उक्त पसलले सडेगलेको र ढुसी परेको मिठाई बचेको भेटिएको हो,’ उनले भने, 'किरा परेको खाद्य सामग्री पनि बिक्री वितरण गरेको भेटिएपछि जरिवाना गरिएको हो।'
