भिडिओ कलमा अश्लीलता प्रदर्शन गर्ने एक युवक पक्राउ परेका छन्।
सामाजिक सञ्जालमा फेसबुक मेसेन्जरमा भिडिओ कल गरी अश्लीलता प्रदर्शन गर्ने अर्घखाँची घर भई ललितपुर महानगरपालिका- १९ बस्ने २९ वर्षीय तुफान केसी पक्राउ परेका हुन्।
उनलाई सोमबार काठमाडौंबाट पक्राउ गरिएको साइबर ब्युरोको प्रवक्ता प्रहरी उपरीक्षक पशुपति कुमार रायले बताए।
फेसबुक भिडिओ कलमा अश्लीलता प्रदर्शन र अपमानजनक शब्द प्रयोग गरी चरित्र हत्या गरिएको भन्दै पीडित महिलाले ब्युरोमा उजुरी दिएकी थिइन्।
अनुसन्धानको क्रममा केसी रहेको खुल्न गएकाले पक्राउ गरिएको एसपी रायले जानकारी दिए। उनलाई विद्युतीय कारोबार ऐन २०६३ अपराध अन्तर्गतको कसुरमा पक्राउ गरिएको हो।
काठमाडौं जिल्ला अदालतबाट सात दिनको म्याद थप गरी अनुसन्धान भइरहेको एसपी रायले जानकारी दिए।
