अवैधरूपमा सुन आयात गर्ने उत्तरी रसुवामा एक महिला शनिबार मितेरी पुलबाट पक्राउ परेकी छन्
पक्राउ पर्नेमा गोसाइँकुण्ड गाउँपालिका–३ बृद्धिम निवासी ४१ वर्षीया पाछेमु तामाङ छिन् ।
रसुवाका प्रहरी प्रमुख डिएसपी सुवास बुढाथोकीले केरूङबाट अवैध रूपमा एक किलो सुन लुकाइछिपाइ रसुवागढी नाकाबाट नेपाल भित्र्याउन लागिएको अवस्थामा सीमा सुरक्षाकर्मीले उनलाई पक्राउ गरेको जानकारी दिए।
सुन ल्याउने महिला बिरामी परेको देखिएकाले सुरक्षाका साथ उपचारार्थ रसुवा अस्पताल भर्ना गरिएको डिएसपी बुढाथोकीले जानकारी दिए।
यसबारे थप अनुसन्धान भइरहेको प्रहरीले जनाएको छ।
