फास्ट ट्र्याकमा पुलको खाडल खन्ने क्रममा एक मजदुरको मृत्यु भएको छ।
मंगलबार साँझ ६ बजे मकवानपुरको भिमफेदी गाउँपालिका-८ महादेवटार छेक्रेडाडास्थित निर्माणधीन तराई-मधेस द्रूत मार्गको १ नम्बरको पुलको खाडल खनिसकेर टुचनमा बसेर आउने क्रममा एक्कासि टुचन मेसिनको ब्रेक फेल भएर २१ मिटर तल खसेको थियो।
जिल्ला प्रहरी कार्यालय मकवानपुरका अनुसार टुचन खस्दा त्यसमा बसेर आउँदै गरेका सिन्धुपाल्चोक पाँचपोखरी थाङपाल गाउँपालिका-५ घर भई फास्ट ट्र्याकमा काम गर्ने २९ वर्षीय अर्जुन थिङको घटनास्थलमै मृत्यु भएको हो।
त्यतिबेला खाडल भित्रै काम गरिरहेका ३७ वर्षीय जुल्फे तामाङ घाइते भएका छन्।
माथिबाट खसेको टुचनले उनको डाढमा लागेको प्रहरीले जनाएको छ। उनलाई उपचारका लागि काठमाडौं ल्याइएको छ।
-1746009348.jpg)
