सर्वियन टेनिस सुपरस्टार नोभाक जोकोभिचले अस्ट्रेलियन ओपन टेनिसको पुरुष एकलको उपाधि जितेका छन्।
शीर्ष वरीयताका ३३ वर्षीय जोकोभिचले रसियाका डेनिल मेदवेदेवलाई ३-० को सोझो सेटमा पराजित गर्दै उपाधि जितेका हुन्।
उनले पहिलो सेट ७-५ ले जित्दा दोस्रो सेट ६-२ ले आफ्नो पक्षमा पारे। तेस्रो सेटमा पनि ६-२ ले नै जित निकाल्दै जोकोभिच अस्ट्रेलियन ओपन च्याम्पियन बने।
जोकोभिचले नवौं पटक अस्ट्रेलियन ओपनको उपाधि जितेका हुन्। यस्तै उनको यो १८औं ग्रान्डस्लाम उपाधि हो।
स्विस टेनिस स्टार रोजर फेडेरर र स्पेनिस खेलाडी राफायल नाडालले २०-२० ग्रान्डस्लाम जितेका छन्।
यता पहिलो ग्रान्डस्लाम जित्ने अभियानमा रहेका २५ वर्षीय मेदवेदेव दोस्रो पटक फाइनलमा पराजित भएका हुन्।
यसअघि उनी २०१९ को युएस ओपनको फाइनलमा पनि पराजित भएका थिए।
-1746009348.jpg)
