त्रिकोणात्मक टी-२० आई सिरिजअन्तर्गत हङकङविरूद्धको खेलमा नेपालले पहिलो बलमै विकेट लिएको छ।
टिन कोङ रोड रिक्रियशन ग्राउन्डमा टस जितेर पहिले बलिङ गरेको नेपालले पहिलो बलमै विकेट लिएको हो।
करण केसीले पहिलो ओभरको पहिलो बलमा हङकङका ओपनर मार्टिन कोइत्जीलाई गुल्शन झाबाट क्याच आउट गरेका हुन्।
आजको खेलमा रोहित पौडेल, विनोद भण्डारी, कुशल भूर्तेल, आशिफ शेख, गुल्सन झा, विवेक यादव, सन्दीप जोरा, लोकेश बम, प्रतिश जिसी, करण केसी र अभिनाश बोहरा प्लेइङ इलाभेनमा छन्।
सिरिजका लागि दिपेन्द्र सिंह ऐरी, कुशल मल्ल, आसिफ शेख र सोमपाल कामीलाई टिममा समावेश गरिएको छैन।
यही टिमले शनिबार हङकङसँग मैत्रीपूर्ण खेल खेलेको थियो। उक्त खेलमा नेपाल ७३ रनले पराजित भएको थियो।
