आइसिसी टी-२० विश्वकप २०२६ अन्तर्गत रोमाञ्चक खेलमा अफगानिस्तानमाथि दक्षिण अफ्रिकाले दुई वटा सुपर ओभर भएको खेलमा जित निकालेको छ।
अहदावादमा समूह ‘डी’ को खेलमा दक्षिण अफ्रिका र अफगानिस्तानले १८७-१८७ रन बनाएपछि खेल सुपर ओभरमा पुगेको थियो।
पहिलो सुपर ओभरमा अफगानिस्तानले १७ रन जोड्दा जवाफी ब्याटिङ गरेको दक्षिण अफ्रिकाले पनि १७ रन नै जोडेको थियो।
त्यसपछि दोस्रो सुपर ओभरमा दक्षिण अफ्रिकाले २३ रन बनायो। जवाफी ब्याटिङ गरेको अफगानिस्तान १९ रनमा समेटियो। दक्षिण अफ्रिकाका केशव महराजलाई अफगानिस्तानका गुर्बाजले लगातार तीन छक्का हाने पनि अन्तिम बलमा क्याच हुन पुगे।
त्यसअघि लक्ष्य पछ्याएको अफगानिस्तानलाई अन्तिम ओभरमा १३ रन चाहिएको थियो। जसमा दक्षिण अफ्रिकाका कागिसो रबडाले पहिलो बल नो बल फ्याँदा दोस्रो बलमा वाइड दिएका थिए।
त्यसपछि अफगानिस्तानका नुरु अहमदले छक्का प्रहार गर्दा फेरि चौथो बलमा रबडाले नोबल फ्याकेका थिए। त्यतिबेला जितका लागि दुई रन चाहिदा अफगानिस्तानका फारुकी रनआउट भएकाथिए।
यससँगै अफगानिस्ताने दोस्रो हार ब्यहोरेको छ भने सुपर ८ बाट बाहिरिने संघारमा पुगेको छ। समूहमा दक्षिण अफ्रिका र न्युजिल्यान्डले दुई दुई खेलमा जित निकालेका छन्।
-1746009348.jpg)
