भारतले आइसिसी टी-२० विश्वकप २०२६ को समूह ‘ए’ को खेलमा नामिबियालाई ९३ रनको फराकिलो अन्तरले पराजित गरेको छ।
यो भारतको टी-२० विश्वकप इतिहासकै सबैभन्दा ठूलो जित (रनको आधारमा) हो।
दिल्लीको अरुण जेटली स्टेडियममा खेलेको यो खेलमा भारतले पहिले ब्याटिङ गर्दै २० ओभरमा ९ विकेट गुमाएर २०९ रन बनाएको थियो। जवाफमा नामिबिया १८.२ ओभरमा अलआउट हुँदै ११६ रनमा समेटियो।
भारतको इनिङ्समा इशान किशनले विस्फोटक २० बलमा ६१ रन (अर्धशतक) प्रहार गरे। यस्तै हार्दिक पाण्ड्याले २७ बलमा ५२ रनको आक्रामक इनिङ्स खेले। उनले बलिङमा पनि २/२१ लिए। यस्तै वरुण चक्रवर्तीले ३/७ (पहिलो १० बलमै ३ विकेट) को शानदार प्रदर्शन गरे भने अक्षर पटेल २/२० को उत्कृष्ट बलिङ गरे।
भारतले सुरुवातमा द्रुत गतिमा रन जोडेको थियो। उसले ७ ओभरमा १०४/१ थियो। ३०० तर्फ उन्मुख जस्तो देखिएको इनिङ्सलाई नामिबियाका कप्तान गेरहार्ड एरास्मसले रोके। उनको अफस्पिनमा ४ ओभरमा ४ विकेट लिए। उनले २० रन दिए। १९औं ओभरमा २ विकेट र एक रनआउट गर्दै भारतलाई अन्तिम ११ बलमा ५ विकेट गुमाएर मात्र ४ रन थप्न दिए। यसले भारतलाई धेरै रन बनाउन रोकेको थियो।
यो जितसँगै भारतले लगातार दोस्रो जित हात पारेको छ र समूहमा शीर्ष स्थानमा उक्लिएको छ। यसअघि पहिलो खेलमा भारतले अमेरिकालाई हराएको थियो।
अब भारतको अर्को खेल पाकिस्तानसँग आइतबार श्रीलंकामा हुँदैछ।
-1746009348.jpg)
