आइसिसी विश्वकपमा २०२६ को ग्रुप बी अन्तर्गत आयरल्याण्डले ओमानलाई ९६ रनको फराकिलो अन्तरले पराजित गरेको छ। यो ओमानको लागतार तेस्रो हार हो। यसअघि ओमानले श्रीलंका र जिम्बावेसँग पराजय भोगेको थियो।
खेलमा आयरल्याण्डले पहिले ब्याटिङ गर्दै २० ओभरमा ५ विकेट गुमाएर २३५ रनको विशाल योगफल बनाएको थियो। ओमानले लक्ष्य पछ्याउने क्रममा १८ ओभरमा अलआउट हुँदै १३९ रन मात्र बनाउन सक्यो।
ओमानले टस जितेर पहिले फिल्डिङ रोजेको थियो। आयरल्याण्डका नियमित कप्तान पल स्टर्लिङ घाइते भएकाले लोरकन टकरले कप्तानी गरेका थिए।
आयरल्याण्डले सुरुमा संघर्ष गर्यो र पावरप्लेमा ३ विकेट गुमाएर ४७ रन बनायो। तर लोरकन टकरले इनिङ्स सम्हाले। उनले ५१ बलमा ९४* रन बनाए (१० चौका, ४ छक्का, स्ट्राइक रेट १८४.३१)। ग्यारेथ डेलानीले ३० बलमा ५६ रन (३ चौका, ४ छक्का) को विस्फोटक इनिङ्स खेले।
जर्ज डकर्लले अन्तिममा ९ बलमा ३५* (५ छक्का) को क्यामियो खेलेर स्कोर २३५ पुर्याए। यो यो विश्वकपको हालसम्मकै उच्च स्कोर थियो।ओमानका शकील अहमदले ३/३३ लिएर सुरुमा विकेट लिए पनि मध्य ओभरमा आयरल्याण्डले दबाब तोड्यो।
२३६ रनको लक्ष्य पछ्याउँदा ओमानले राम्रो सुरुवात गरेन। जतिन्दर सिङ र अशिश ओदेदरा सस्तैमा आउट भए। आमिर कलीमले २९ बलमा ५० रन (५ चौका, २ छक्का) को अर्धशतक प्रहार गरे र हम्मद मिर्जासँग ७६ रनको साझेदारी गरे।
तर ९७/२ बाट ओमानले लगातार विकेट गुमायो। जोश लिटलले ४ ओभरमा ३/१६ लिएर मध्य र डेथ ओभरमा निर्णायक विकेट लिए। मोहम्मद नदीम, जिटेन रामनान्दी, नदीम खान जस्ता ब्याट्सम्यान सस्तैमा आउट भए।
-1746009348.jpg)
