नेदरल्याण्डसलाई १ गोलले पराजित गर्दै पोर्चुगलले पहिलो नेशन्स कपको उपाधि जितेको छ।
युरोपियन फुटबलको सर्वोच्च संस्था युइएफएले पहिलोटक आयोजना गरेको प्रतियोगिताको उपाधि जितमा एकमात्र निर्नायक गोल गोन्कालो गुएडोसले गरेका हुन्। पहिलो हाफ गोलरहित बराबरीमा सकिएको खेलमा उनले ६० औं मिनेटमा सो विजयी गोल गरेका थिए।
हिजोको खेलमा नेदरल्याण्डसले गोल गर्ने केहि सुन्दर मौका पाएपनि गोल गर्न सकेन। पोर्चुगलका गोलरक्षकले ती अवसरहरूको सुन्दर बचाउ गरे।
यसैगरी हिजो नै तेश्रो स्थानका लागि भएको खेलमा इङ्ल्याण्डले स्वीट्जरल्याण्डलाई पेनाल्टीमा ६-५ ले पराजित गर्यो।
निर्धारित ९० मिनेटको समय र त्यसपछि थपिएको अतिरिक्त समयमा पनि गोलरहित बराबरी भएपछि खेल पेनाल्टीमा पुगेको थियो।
