इंग्लिस प्रिमियर लिगमा म्यानचेस्टर युनाइटेडले जित हात पारेको छ। युनाइटेडले आइतबार राति भएको खेलमा वर्नलीलाई ३-१ गोलले पराजित गर्यो।
युनाइटेडको जितमा ग्रिनउडले दुई गोल गर्दा काभानीले एक गोल थपे। ग्रिनउडले ४८ र ८४ मिनेटमा गोल गरेका थिए। काभानीले दोस्रो हाफको इन्जुरी टाइमको तेस्रो मिनेटमा गोल गरे।
लिगको अर्को खेलमा आर्सनललाई फुलहमले १-१ गोलको बराबरीमा रोकेको छ।
प्रिमियर लिगको अंक तालिकामा म्यानचेस्टर सिटी ३२ खेलबाट ७४ अंक जोड्दै शीर्ष स्थानमा छ। दोस्रो स्थानको युनाइटेडको ६६ अंक रहेको छ।