इंग्लिस प्रिमियर लिगमा टोटेनहममाथि पुनरागमन २-१ को जित निकाल्दै एस्टन भिल्ला चौथौ स्थानमा उक्लिएको छ।
टोटेनहमले घरेलु मैदानमा लो सेल्सोले २२ मिनेटमा गरेको गोलबाट अग्रता लियो। भिल्लाका लागि टोरेसले पहिलो हाफको इन्जुरी टाइममा बराबरी गोल गर्दा वाटकिन्सले ६१ मिनेटमा दोस्रो गोल गरे।
यता एभर्टनमाथि म्यानचेस्टर युनाइटेडले ३-० गोलको जित निकाल्यो।
युनाइटेडका लागि गार्नाचोले तेस्रो मिनेटमा पहिलो गोल गरे। यस्तै रास्फोर्डले ५६ मिनेटमा दोस्रो गोल गरे भने मार्सियलले ७५ मिनेटमा तेस्रो गोल गर्न सफल भए।
लिगमा एस्टन भिल्ला २८ अंक जोडेर चौथो स्थानमा छ। पाँचौ स्थानको टोटेनहमले २६ तथा छैटौं स्थानमा उक्लिएको युनाइटेडले २४ अंक जोडेको छ। एभर्टन भने चार अंकसहित १९औं स्थानमा छ।
