रुपेश गुरुङ निर्देशित ‘जय शम्भु’ फिल्मको फस्टलूक पोस्टरहरू सार्वजनिक गरिएको छ ।
एक्सन लभस्टोरी जनराको फिल्म पोस्टरमा प्रशान्त ताम्राकार, अनुपबिक्रम शाही र बर्षा सिवाकोटी अटाएका छन्।
सार्वजनिक दुई पोस्टर मध्ये एकमा बर्षा र अनुपबिक्रम रोमान्टिक मूडमा प्रस्तुत गरिएको छ भने अर्कोमा तीनै जनालाई एग्रेसिभ रुपमा प्रस्तुत गरिएको छ।
फिल्ममा रहेको उनीहरूक भूमिका नखुलाइए पनि अनुपबिक्रम हिरो र प्रशान्त भिलेनको भूमिकामा रहन सक्ने अनुमान लगाउन सकिन्छ ।
फिल्म भदौ १ बाट देशव्यापी प्रदर्शनमा आउनेछ ।
दिनेश शाही प्रस्तुतकर्ता रहेको ‘जय शम्भु’का चक्र पाख्रिन कार्यकारी निर्माता र अरविन्द्रमान शाक्य निर्माता छन् ।
फिल्ममा तीन कलाकारका अलावा रोशन महर्जन, करुणा पाण्डे, रश्मी भट्ट, बसन्त भट्ट, राज कुमार थापा, कालु राना लगायतका कलाकारको अभिनय छ ।
फिल्ममा हरि घले लामाको छायाँकन, श्री श्रेष्ठको एक्सन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य निर्देशन रहेको छ ।
‘जय शम्भु’लाई नेपालसँगै अष्ट्रेलिया, दुबई, थाईल्याण्ड, हङकङ लगायतका देशहरुमा पनि प्रदर्शन गरिने निर्माण टिमले बताएको छ ।
सिनेमामा हरि घले लामाको छायाँकन, श्री श्रेष्ठको एक्सन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य निर्देशन रहेको छ । ‘जय शम्भु’लाई नेपालसँगै अष्ट्रेलिया, दुबई, थाईल्याण्ड, हङकङ लगायतका देशहरुमा पनि प्रदर्शन गरिने निर्माण टिमले बताएको छ ।
