बहुप्रतिक्षित बलिउड फिल्म 'वार २' ले भारतमा २२० करोड भारू ग्रस कमाइ गरेको छ। ऋतिक रोशन, जुनियर एनटीआर र कियारा आडवाणी अभिनीत फिल्मले मंगलबारसम्म उक्त कमाइ गरेको हो।
यो कमाइलाई भारतीय संचारमाध्यमले निराशाजनक भनेका छन्। सुरूवाती सप्ताहन्तमा राम्रो व्यापार गरे पनि अन्य दिनहरूमा फिल्मको कमाइमा भारी गिरावट आएको जनाइएको छ।
अयान मुखर्जी निर्देशित, यशराज फिल्म्सको ब्यानरमा बनेको 'वार २' ले पहिलो दिन बिहीबार ५९ करोड ग्रस कमाइ गरेको थियो।
फिल्मले शुक्रबार ६७ करोड, शनिबार ३८ करोड र आइतबार ३६ करोड कमाइ गर्यो। त्यस्तै, सोमबार फिल्मको कमाइमा भारी गिरावट देखियो।
सोमबार ९ करोड ५० लाख भारू कमाएको फिल्मले मंगलबार १० करोड ५० लाख भारू कमाइ गर्यो।
'वार २' ३२५ करोडको ठूलो बजेटमा बनेको फिल्म हो। तर फिल्मको प्रदर्शन हेर्दा लगानी उठाउन पनि संघर्ष गर्नुपर्ने देखिएको संचारमाध्यमले जनाएका छन्।
-1742801159.jpg)
-1746009348.jpg)
