भारतीय फिल्म 'कान्तारा च्याप्टर १' ले बक्स अफिसमा राम्रो कमाइ गरिरहेको छ।
ऋषभ शेट्टीको निर्देशन तथा शीर्ष अभिनय रहेको फिल्मले शनिबार प्रदर्शनको १० औं दिन, भारतमा ३७ करोड भारू नेट कमाइ गरेको छ। यो कमाइ शुक्रबारको तुलनामा ६६% को वृद्धि हो भने पहिलो हप्ताको अन्तिम दिन बिहीबार संकलन गरेको भन्दा लगभग ७५% ले बढी रहेको भारतीय संचारमाध्यमले जनाएका छन्।
फिल्मले १० दिनमा भारतमा ३९६.६५ करोड भारू नेट (४७६ करोड ग्रस) कमाइसकेको छ। 'कान्तारा च्याप्टर १' को निर्माण कम्पनी होम्बाले फिल्म्सले शुक्रबार फिल्मले आफ्नो पहिलो हप्तामा विश्वव्यापी ५०९ करोड कमाएको जनाएको थियो।
यस हिसाबले, फिल्मले १० दिनमा विश्वव्यापी ५९० करोड भारू कमाएको अनुमान गरिएको छ। यद्यपि, भारतका ट्रेड इन्साइडरहरूले यसको कमाइ ५६० करोडको नजिक रहेको अनुमान गरेका छन्।
यो पिरियड एक्सन ड्रामाले टाइगर जिन्दा है र धुम ३ (दुवै ५५८ करोड) लाई पछि पार्दै सर्वकालीन २५ वटा सर्वाधिक कमाउने भारतीय फिल्महरूको सूचिमा प्रवेश गर्न सफल भएको छ।
यदि ५९० करोडको आँकडा सही हो भने, ‘कान्तारा च्याप्टर १’ ले ‘सैयारा’ (५७० करोड), पद्मावत (५८५ करोड), र सञ्जु (५८९ करोड) जस्ता अन्य ब्लकबस्टरहरूको लाइफटाइम संकलनलाई पनि पार गरेको छ।
ऋषभ शेट्टीद्वारा लिखित र निर्देशित 'कान्तारा च्याप्टर १' सन् २०२२ को ब्लकबस्टर 'कान्तारा' को प्रिक्वेल हो। ‘कान्तारा’ ले विश्वव्यापी ४०० करोड कमाएको थियो।
पहिलो फिल्मको घटनाहरू भन्दा हजारौं वर्ष पहिले सेट गरिएको यो प्रिक्वेललाई यसको कथावस्तु, दृश्यहरू र अभिनयको लागि प्रशंसा गरिएको छ।
फिल्ममा ऋषभसहित रूक्मिणी बसन्त, जयराम र गुलशन देवैया पनि मुख्य भूमिकामा छन्।
-1746009348.jpg)
