भारतीय अभिनेता रणवीर सिंह अभिनीत जासुसी फिल्म 'धुरन्धर' ले बक्स अफिसमा राम्रो कमाइ गरिरहेको छ।
फिल्मले रिलिजको चार दिनमै भारतमा १३० करोड रूपैयाँभन्दा बढी कमाइ गरेको छ।
निर्माता जियो स्टुडिओका अनुसार फिल्मले पहिलो चार दिनमा घरेलु बक्स अफिसमा १३०.८० करोड भारू नेट कमाइ गरेको हो।
रिलिजको दिन २८. ८० करोड भारू नेट कमाइ गरेको फिल्मले शनिबार ३३.१० करोड र आइतबार ४४.८० करोड कमाएको थियो। सोमबार २४.३० करोड कमाएसँगै फिल्मको घरेलु आम्दानी १३०.८० करोड पुगेको हो।
आदित्य धर निर्देशित 'धुरन्धर' मा रणवीरले पाकिस्तानमा घुसपैठ गर्ने भारतीय जासुसको भूमिका निर्वाह गरेका छन्।
फिल्ममा रणवीरसहित अक्षय खन्ना, सञ्जय दत्त, अर्जुन रामपाल, आर माधवन, सारा अर्जन लगायतको पनि अभिनय छ।
विश्वव्यापी प्रदर्शनमा आएको फिल्म नेपालमा समेत एकसाथ रिलिज भएको हो। नेपालमा पनि फिल्मले राम्रो प्रदर्शन गरिरहेको देखिन्छ।
'धुरन्धर' को दोस्रो भाग पनि छिट्टै प्रदर्शनमा आउने तालिका छ।
-1746009348.jpg)
