भारतीय अभिनेता रणवीर सिंह स्टारर फिल्म 'धुरन्धर' ले आक्रामक कमाइ गरिरहेको छ।
यो बहुप्रतिक्षित फिल्मले प्रदर्शनको पहिलो साता भारतीय बक्स अफिसमा २ सय करोडको आँकडा पार गरेको छ।
भारतीय ट्रेड वेबसाइट स्याकनिल्कका अनुसार फिल्मले ७ दिनमा २०७.२५ करोड भारू नेट कमाइ गरेको हो। विशेषगरी वीकडेजमा देखिएको असाधारण प्रदर्शनले पनि सबैको ध्यान तानिरहेको छ।
फिल्मले पहिलो दिन २८ करोड, शनिबार ३२ करोड र आइतबार ४३ करोड भारू कमाइ गरेको थियो। त्यस्तै, सोमबार २३.२५ करोड, मंगलबार २७ करोड, बुधबार २७ करोड र बिहीबार पनि २७ करोड भारू कमाइ गर्यो। ट्रेन्ड हेर्दा फिल्मले दोस्रो सातामा १ सय करोड सजिलै कमाउने अनुमान गरिएको छ।
आदित्य धरद्वारा निर्देशित यो फिल्ममा रणवीरसहित अक्षय खन्ना, संजय दत्त, आर. माधवन, अर्जुन रामपाल, सारा अर्जुन र राकेश बेदीको अभिनय छ। कथामा एक भारतीय अधिकारी पाकिस्तानमा घुसेर त्यहाँको अन्डरवर्ल्ड र राजनीतिक संरचनामा तहल्का मच्चाउने प्रसंग समेटिएको छ।
'धुरन्धर' ले नेपालमा समेत राम्रो प्रदर्शन गरिरहेको जनाइएको छ।
-1763886130.jpeg)
-1746009348.jpg)
