रणवीर सिंह अभिनीत बलिउड फिल्म 'धुरन्धर' ले बक्स अफिसमा आक्रामक कमाइ गरिरहेको छ।
फिल्मले प्रदर्शनको १३ औं दिनसम्म विश्वव्यापी बक्स अफिसमा करिब ६७४ करोड भारू ग्रस कलेक्सन गरेको भारतीय संचारमाध्यमले जनाएका छन्।
योसँगै फिल्मले प्रभास स्टारर सुपरहिट फिल्म 'बाहुबलीः द बिगिनिङ' को लाइफटाइम कमाइलाई समेत उछिनेको छ।
एस.एस. राजामौली निर्देशित 'बाहुबली' को पहिलो भाग सन् २०१५ मा रिलिज भएको थियो। उक्त फिल्मले विश्वव्यापी बक्स अफिसमा ६ सय ५० करोड भारू कमाएको थियो।
हिन्दुस्तान टाइम्सका अनुसार 'धुरन्धर' ले भारतमा मात्र करिब ४३७ करोड रूपैयाँ नेट (५२४ करोड ग्रस) कमाइ गरेको छ। भारतबाहिर पनि फिल्मको प्रदर्शन बलियो देखिएको छ।
विश्वव्यापी बक्स अफिसमा ६७४ कमाएको 'धुरन्धर' अब सबभन्दा धेरै कमाउने भारतीय फिल्महरूको सूचीमा १८ औं स्थानमा छ। यसले ‘गदर २’ लाई उछिनेर बिहीबार ७ सय करोडको आँकडा छुने अनुमान गरिएको छ।
आदित्य धर निर्देशित जासूसी थ्रिलर 'धुरन्धर' मा रणवीरसहित अक्षय खन्ना, अर्जुन रामपाल, संजय दत्त, आर माधवन लगायतले अभिनय गरेका छन्।
फिल्म नेपालमा समेत प्रदर्शनरत छ। मल्टिप्लेक्स चेन क्युएफएक्सले यसलाई 'सुपरहिट' को मान्यता दिइसकेको छ।
-1746009348.jpg)
