पछिल्लो समय रिलिज भारतीय फिल्ममध्ये 'बोर्डर २' ले सबभन्दा राम्रो प्रदर्शन गरेको छ। प्रदर्शनको २६ औं दिनमा फिल्मले भारतमा ८० लाख भारू कमाएको छ। त्योसँगै सनी देओल र बरूण धवन अभिनीत फिल्मको भारत कमाइ ३ सय २३ करोड २५ लाख भारू पुगेको छ।
विश्वव्यापी रूपमा फिल्मले ४ सय ४१ करोड ९५ लाख भारू कमाएको भारतीय संचारमाध्यमले जनाएका छन्।
त्यस्तै, 'ओ रोमियो' ले पाँचौं दिनसम्म भारतमा ४० करोड भारू कमाएको छ। शाहिद कपूर र तृप्ती डिमरी अभिनीत फिल्म १३ फेब्रुअरी (गत शुक्रबार) रिलिज भएको थियो।
सैकनिल्कको रिपोर्ट अनुसार फिल्मले पाँचौं दिन मंगलबार भारतमा ५ करोड भारू कमाएको छ। यो फिल्मको विश्वव्यापी कमाइ ६२ करोड ५० लाख भारू पुगेको जनाइएको छ।
त्यस्तै, रानी मुखर्जी अभिनीत 'मर्दानी ३' ले सन्तोषजनक व्यापार गरिरहेको जनाइएको छ। रिपोर्ट अनुसार ३० जनवरीमा रिलिज फिल्मले १९ दिनमा भारतमा करिब ४५ करोड ३५ लाख भारू कमाएको छ। यसको विश्वव्यापी कमाइ ६७ करोड भारूभन्दा माथि पुगेको समाचारमा उल्लेख छ।
यसैबीच शनाया कपूर र आदर्श गौरव अभितीत 'तू या मैं' भने बक्स अफिसमा कमजोर देखिएको छ। रिपोर्ट अनुसार गत शुक्रबार रिलिज यो फिल्मले पाँच दिनमा जम्मा ३ करोड ७५ लाख भारू कमाएको हो।
'ओ रोमियो' र 'तू या मैं' नेपालका सिनेमा हलमा पनि प्रदर्शन भइरहेको छ।
-1746009348.jpg)
