भारतीय फिल्म 'ओ रोमियो' को कमाइमा हरेक दिन गिरावट देखिएको छ। शाहिद कपूर र तृप्ति डिमरीको अभिनयको प्रशंसा भए पनि फिल्मले अपेक्षित कमाइ गर्न नसकेको हो।
कथाले दर्शकलाई प्रभावित पार्न नसक्दा व्यापारमा गिरावट आउँदै गएको भारतीय संचारमाध्यमले जनाएका छन्।
सैकनिल्कको रिपोर्ट अनुसार सातौं दिन फिल्मले केवल ३. १५ करोड भारू मात्रै कमाएको छ। एक सातामा भारतमा फिल्मको कुल कमाइ ४७. १५ करोड भारू पुगेको छ। त्यस्तै, विश्वव्यापी कमाइ ७२. २५ करोड भारू पुगेको नवभारत टाइम्सले उल्लेख गरेको छ।
विशाल भारद्वाजद्वारा निर्देशित 'ओ रोमियो' मा शाहिद र तृप्तिसहित फिल्ममा नाना पाटेकर, अविनाश तिवारी, तमन्ना भाटिया, दिशा पटानी, विक्रान्त मेस्सी र फरीदा जलाल पनि छन्। 'ओ रोमियो' नेपालमा पनि प्रदर्शनरत छ।
-1746009348.jpg)
