भारतीय फिल्म 'ओ रोमियो' ले भारतमा ५३ करोड भारू ग्रस कमाइ गरेको छ।
शाहिद कपूर र तृप्ति डिमरी अभिनीत फिल्मले ९ दिनमा उक्त कमाइ गरेको हो।
विकडेजमा फिल्मको कमाइमा गिरावट आएको थियो। शनिबार कमाइमा बृद्धि भएको भारतीय संचारमाध्यमले जनाएका छन्। शुक्रबार 'ओ रोमियो' ले २ करोड १५ लाख भारू कमाएकोमा शनिबारको कमाइ ३ करोड ३५ लाख भारू पुगेको थियो।
यो फिल्म फेब्रुअरी १३ मा रिलिज भएको थियो। विशाल भारद्वाजद्वारा निर्देशित 'ओ रोमियो' मा शाहिद र तृप्तिसहित फिल्ममा नाना पाटेकर, अविनाश तिवारी, तमन्ना भाटिया, दिशा पटानी, विक्रान्त मेस्सी र फरीदा जलाल पनि छन्। 'ओ रोमियो' नेपालमा पनि प्रदर्शन भइरहेको छ।
-1746009348.jpg)
