चर्चित भारतीय गायक अरिजित सिंहले पाश्र्व गायनबाट संन्यास लिएको घोषणा परेपश्चात पहिलो फिल्मी गीत सार्वजनिक भएको छ।
उनले आमिर खानको फिल्म 'एक दिन' को शीर्षक गीतमा स्वर दिएका हुन्। सोमबार सार्वजनिक गीतमा आमिर खान र अरिजित सिंह देखिएका छन्। आमिर अरिजितसँग भेटघाट गर्दै गीतको प्रस्तुतिकरणमा संलग्न भएको दृश्य भिडिओमा समावेश गरिएको छ।
आमिर खानले हालै गायक अरिजित सिंहलाई मुर्शिदाबादस्थित उनको घरमा भेटेका थिए। त्यहाँ भेटेपछि यो जोडीले एउटा गीत रिलिज गर्ने भनिएको थियो। सोही गीत सार्वजनिक भएको हो।
भिडिओमा आमिरले अरिजितलाई सोधेको संवाद पनि समावेश छ। जसमा आमिरले अरिजितको प्लेब्याक गायन संन्यासबारे प्रश्न समेत गरेका छन्।
आमिर खानले आफ्नो आगामी फिल्म 'एक दिन' मा आवाज दिएकोमा अरिजित सिंहलाई धन्यवाद समेत लिएका छन्।
फिल्म 'एक दिन' मा प्रमुख भूमिकामा साइ पल्लवी र जुनैद खान छन्। आमिर खान प्रोडक्सनको फिल्म सुनील पाण्डेले निर्देशन गरेका हुन्। १ मे २०२६ मा यसको प्रदर्शन तय छ।
-1746009348.jpg)
