प्रतिनिधि सभा सदस्यको निर्वाचनअन्तर्गत एक मात्र निर्वाचन क्षेत्र रहेको दोलखामा जारी मतगणनामा सत्ता गठबन्धन र नेकपा एमालेबीच रोचक प्रतिस्पर्धा देखिएको छ।
आइतबार बिहानदेदि एमालेका उम्मेदवार बालकृष्ण शिवाकोटीको अग्रता लिइरहेको अवस्थामा पछिल्लो मतगणनामा पुनः माओवादी केन्द्रका गंगा कार्कीले अग्रता लिएका छन्।
जारी मतगणनाको ४९६३५ मत गणनामा माओवादीका कार्की २१ हजार ४१२ मतसहित अघि लागेका छन्। त्यहाँ एमालेका शिवाकोटी २१ हजार १४३ मतसहित पछि परेका छन्। शिवाकोटीलाई कार्कीले २६९ मतले उछिनेका हुन्।
यहाँ राष्ट्रिय स्वतन्त्र पार्टीका जगदिश खरेलले २६९१ मत ल्याएका छन्। हालसम्म २०१६ मत बदर रहेको निर्वाचन आयोगले जनाएको छ।
