उज्बेकिस्तानको एसिया इन्टरनेसनल युनिभर्सिटी (एआइयू) र बि.पी. स्मृति अस्पतालबीच चिकित्सा शिक्षा, क्लिनिकल प्रशिक्षण, अनुसन्धान संकाय आदानप्रदानमा सहकार्य हुने भएको छ।
एआइयूको तर्फबाट डिन डा. किशन भण्डारी र बि.पी. स्मृति सामुदायिक सहकारी अस्पताल (बि.पी. स्मृति अस्पताल) तर्फबाट अस्पतालका प्रमुख कार्यकारी अधिकृत प्रा. डा. भोलाराम श्रेष्ठले सम्झौता पत्रमा हस्ताक्षर गरेका छन्।
सम्झौता अनुसार स्वास्थ्य सेवा क्षमता निर्माण पहलहरू र चिकित्सा पर्यटनको प्रवर्द्धनका क्षेत्रमा समेत सहकार्य गरिने उल्लेख छ।
बि.पी. स्मृति अस्पतालमा एआइयूका चिकित्सा र स्वास्थ्य सेवा विद्यार्थीहरूको लागि क्लिनिकल प्लेसमेन्ट र प्रशिक्षण अवसरहरू सहज बनाउने समेत सम्झौता पत्रमा उल्लेख छ।
'संयुक्त अनुसन्धान पहलहरू, प्रकाशनहरू, र चिकित्सा र वैज्ञानिक ज्ञानको साझेदारीलाई प्रोत्साहन गर्ने, संयुक्त सम्मेलनहरू, सेमिनारहरू, कार्यशालाहरू, र निरन्तर चिकित्सा शिक्षा कार्यक्रमहरू आयोजना गर्ने सहमति भएको छ,' एआइयूका डिन डा. किशन भण्डारीले भने, 'सहयोगी जनस्वास्थ्य कार्यक्रमहरू र सामुदायिक सेवा पहलहरू विकास गर्ने र एसिया इन्टरनेसनल युनिभर्सिटीले बिपीलाई सक्रिय रूपमा प्रवर्द्धन गर्नेछ।'
-1768308944.jpg)
-1746009348.jpg)
